ලේසියෙන්ම සුපිරිම selection දාමු.

ඔන්න පහු ගිය ටිකේ වැඩ කෑලි ගෙනාපු නිසා අද හිතුවා photoshop රහස් ටිකක් අරගෙන එන්න.අපි කවුරුත් කැමතියිනේ අපේ photo එකක් කපල අරන් වෙන තැනකට දාල වැඩ කෑල්ලක් දාන්න,  ඕන කෙනෙක් කැමතියිනේ බොහොම ප්‍රසිද්ධ තැන වල ඉඳන් ෆොටෝ ගහන්න.ඒ වුනාට ඉතින් හැමෝටම එක කරන්න බෑනේ.ඒ වුනත් අපිට photoshop වල පිහිටෙන් මේ වැඩේ කරගන්න පුළුවන්. හැබැයි ඉතින්  ඒකට අපේ photo වල color balance  එක ගැලපෙන්න ඕන. ඒ වගේම නිවැරදි selection එකක් දාල අපේ පින්තුරය ලස්සනට කපා ගන්න ඕන.  මං මේකෙන් කියල දෙන්න යන්නේ 99.99% ක්ම නිවැරදිව selection එකක් දාගන්නේ කොහොමද කියල. selection කිව්ව ගමන් මතක් වෙන්නේ මෙන්න මේ ටූල් ටික නේද? 

ඔව් මේවගෙන් නම් තමා අපිට selection එක දාන්න වෙන්නේ. නමුත් මේ ටූල් අපි පාවිච්චි කරන්නේ ඉතාමත් සරල selection එකක් දාගන්න විතරයි. ඉතින් නිවැරදි selection එකක් දාගන්න මොනාද අපිට තව ඕන කරන ටූල්? අපිට ඒකට ක්‍රම කීපයක් පාවිච්චි කරන්න පුළුවන්. එකක් තමයි "ක්වික් මාස්ක් (මේ ගැන ඉදිරියේදී කියල දෙන්නම්)" අනිත් ක්‍රමය වර්ක් පාත්(work path )  පාවිච්චි කිරීම. මම නම් හිතන්නේ ඒක තමා හොඳම ක්‍රමය. මේකට අපිට ඕන වෙන්නේ අර මුලින් කිව්ව selection tool වලින් එකකුයි, pen tool එකයි. pen tool එක කිව්වට pen tool එකම නෙමේ  add anchor point tool එක. 

 මේ tool එකෙන් කරන්නේ pen tool එකෙන් ඇඳගත්ත path එක edit කරන එකයි. එහෙනම් අපි සුපිරියටම selection දාන්න ඉගෙනගනිමු.     

මුලින්ම ඔයාට ඕන කරන පින්තුරය photoshop වලින් open කරගන්න. මම නම් ගත්තේ මෙන්න මේ පින්තුරේ

 ඉස්සෙල්ලම මොකක් හරි selection tool එකකින් සරල selection එකක් දාගනිමු.  මම පාවිච්චි කෙරුවේ magnetic lasso tool එක.

ඔයාට පේනවා නේද උඩ පින්තුරේ ඊතල ඇඳලා තියෙනවා, ඒ තමා selection එක, ඔහේ ඕනාවට එපාවට වටේට  ඇඳලා දාන්න තියෙන්නේ..

මේකේ පොඩි පොඩි අඩුපාඩු තියෙනවා පේනවනේ. ඉතින් අපිට පුළුවන් මේ අඩුපාඩු හදාගන්න ක්‍රම කීපයකින්ම. එත් ඉතින් හොඳම ක්‍රමය තමා වර්ක් පාත්(work path )  පාවිච්චි කිරීම.ඉතින් එකට ඉස්සෙලම කරන්න ඕන මේ selection එක වර්ක් පාත්(work path )  එකක් කරගන්න ඕන. කරන්න තියෙන්නේ සිම්පල් වැඩක්. ඔහොම ඉන්න ගමන් පින්තුරය උඩ ඕනම තැනක right click කරන්න දැන් මතු වෙන menu එකෙන් make work path තෝරන්න.දැන් tolerance අගය තෝරන්න වෙනවා. ඒකට අමුතුවෙන් අගයක් දෙන්න ඕන නෑ.ok කරලා දාන්න 

දැන් අර වටේට ගමන් කරන කඩ ඉරි ටික නැති වෙලා තනි ඉරක් වෙයි අපි දාපු selection එක. මෙන්න මේ වගේ.

සමහර අයට selection එක දාල right click කෙරුවට මෙනු එකේ එන්නේ නෑ make work path කියල එකක්. දැන් මොකද කරන්නේ? මෙහෙමයි make work path කියන පහසුකම අපිට දෙන්නේ selection tool එකක් තෝරලා  තියෙනකොට  විතරයි. ඉතින් selection tool එකකින් selection එක දාල, වෙන tool එකක් තෝරලා right click කෙරුවම ඒක අපිට work path එකක් කරගන්න බෑ. ඉතින් selection එකක් work path එකක් කරගන්න ඕන නම් මතක ඇතුව selection tool එකක ඉඳන් right click කරන්න. 

දැන් එහෙම selection එක work path එකක් කරගත්තට පස්සේ මේකේ තියෙන අඩු පාඩු හදන්න එපැයි... එකට අපේ පිහිටට එන්නේ අර මං මුලින් කිව්ව  add anchor point tool එක.එහෙනම් මේ පහල තියෙන විදියට  add anchor point tool එක තෝරගන්න.

ඊට පස්සේ add anchor point tool එක work path එක උඩට ගෙනිහින් බලන්න, මවුස් එකේ ලකුණ වෙනස් වුනා නේද? 

දැන් work path එකේ කොහේ හරි එක තැනක් click කරන්න.එතකොට මෙන්න මේ වගේ anchor points පෙනෙයි. 

අපිට add anchor point tool එකෙන් මේවා තියෙන තැන වෙනස් කරන්න පුළුවන් වගේම tool එකේ නමේ තියෙන විදියටම අලුතෙන් anchor points එකතු කරන්නත් පුළුවන්.

දැන් කොහොමද මේ anchor points එකතු කරන්නේ? කරන්න තියෙන්නේ මෙච්චරයි ඔය work path එක උඩට ගියාම mouse එකේ hadaya වෙනස් වෙනවා නේද? අන්න එතකොට click කරන්න. අපිට ගොඩක් වෙලාවට අලුතෙන් anchor points එකතු කරන්න සිද්ධ වෙනවා...  

දැන් බලමු කොහොමද මේ anchor point එකක් තියෙන තැන වෙනස් කරන්නේ කියල.  ඒකත් හෙන සිම්පල් වැඩක්. anchor point එකක් උඩ click කරලා ඕන කරන තැනට ඇදල දාන්න (drag කරන්න). ඊට කලින් මේ පින්තුරය zoom කරගන්න ඕන. එතකොට තවත් හොඳට anchor point තියන්න වගේම වෙනස් කරන්නත් පුළුවන්. කරන්න තියෙන්නේ keyboard එකේ Ctrl ඔබාගන + ලකුණ ඔබන එකයි... ඒ වගේම zoom ඒක නැති කරද්දී  Ctrl ඔබාගන - ලකුණ ඔබන්න. දැන් මේක zoom කරගත්තම මේ පින්තුරය ගොඩක් ලොකුයිනේ... ඉතින් පින්තුරයේ එහෙට මෙහෙට යන්නේ කොහොමද? keyboard එකේ space bar එක ඔබාගන පින්තුරය උඩ mouse එකෙන් click කරගෙන එහාට මෙහාට කරලා බලන්න. මේ විදියට  space bar එක ඔබාගන පින්තුරයේ ඕනෑම තැනකට ලේසියෙන් යන්න පුළුවන්.

 ඔයාල දැක්කද ඒ anchor point එකක් උඩ click කෙරුවම එකේ දෙපැත්තෙන් handle දෙකක් තියෙනවා, මේ පින්තුරය බලන්න.

ඒකෙන් අපිට පුළුවන් තවත් සියුම් විදියට selection එක දාන්න. නිකමට වගේ ඒ handle එකක් එහෙට මෙහෙට කරලා බලන්න. එකක් ඇද්දොත් අනිකත් ඇදෙනවා... 

 නමුත් work path එකත් එක්ක ඉබේම ආපු anchor points වල සමහර ඒවගෙ එහෙම නෑ. ඉතින් දැන් ඔය එකක් ඇද්දොත් අනිකත් වෙනස් වෙන නිසා හරිම කරදරේ... ඒක තේරෙන්නේ කරලා බලද්දිම තමා.. දැන් කොහොමද අර ඉබේ ආපු anchor points වල සමහර ඒව වගේ අපි එකතු කරන anchor points වලත් handle දෙක වෙන් කරන්නේ? මේ වෙලාවේ අපේ උදව්වට එන්නේ keyboard එකේ ඉන්න Alt key එක. 

දැන් කරන්න තියෙන්නේ keyboard එකේ Alt key එක ඔබාගන අර එකට ඇලිල ඉන්න handle දෙකෙන් එකක් උඩ click කරන එකයි.

ඊට පස්සේ Alt key එක අත ඇරලා අර handle වලින් එහෙට මෙහෙට කරලා බලන්න.ඇලිල උන්නු දෙන්නා වෙන් වෙලා ඉඳි.

ඊළඟට තවත් වැදගත් දෙයක් තියෙනව, සමහර වෙලාවට අපිට ඕන නැති  anchor points අයින් කරන්නත් සිද්ධ වෙනවා. ඔන්න දැන් කට්ටියට මතක් වෙයි add anchor point tool එක තෝරපු වෙලාවේ delete anchor point tool කියල එකකුත් තිබුනා නේද කියල. ඔව් තිබුන නම් තමා.

 ඒ වුනාට ඉතින් පොරව තියාගන පිහියෙන් කපන්නේ මොකටද? ආයේ tool box එකේ රිංගගෙන tool හොයන්න ඕන නෑ. ඕන නැති anchor point අයින් කරන්න නම් කරන්න තියෙන්නේ අර ඉස්සෙල්ල වගේම Alt key එක ඔබාගන ඕන නැති anchor point එක උඩ click කරන එකයි. ඕන නැති anchor point එක උඩට Alt key එක ඔබාගන mouse එක ගෙනියද්දි හැඩය වෙනස් වුනා දැක්ක නේද.

 ඉස්සෙල්ල අපි click කෙරුවේ anchor point එකේ handle එක උඩනේ. මේ පාර click කරන්නේ anchor point එක උඩ. 

මේ තියෙන්නේ ඇද කුද නැති මගේ work path එක 

ඔය මං කියල දුන්නේ anchor point tool හසුරවන විදිය.ඔය ක්‍රම පාවිච්චි කරලා work paath එක හරියට ඇඳගන්න.

ඉතින් දැන් මේ work path එක ආපහු selection එකක් කරගන්නත් එපැයි. නැත්නම් කොහොමද අපිට ඕන කෑල්ල කපල අයින් කරන්නේ.... මතකයි නේද selection එකක් work path එකක් කරපු විදිය.. මෙතනදීත් කරන්නේ ඒකම තමා. මතක ඇතුව අපි ඉන්නේ pen tool එකට අයිති tool වලින් එකකද කියල බලන්න. ඒ කිව්වේ මෙන්න මේ tool වලින් එකක්  .

 එහෙම ඉඳන් පින්තුරයේ ඕනම තැනක right click කරලා make selection තෝරන්න. දැන් ආපහු selection එකක් වෙලා තියෙයි work path එක.

 මං මෙතන කියල දුන්නේ මුලික දේවල් ටික විතරයි. මේ anchor points ඔයාලට ඕන විදියට එහෙට මෙහෙට කරලා handle වලින් ඇදල එහෙම කපාගන්න ඕන line එක දිගේ හරියට work path එක ඇඳගන්න. ඊටපස්සේ selection එකක් බවට පත් කරගන්න. දැන් නම් ලස්සනට select වෙලා නේද.. ඇද නැතුව. ඔව් ඒ වුනාට තව පොඩි අවුලක් තියෙනවනේ... කොච්චර වැඩ දාල work paath වලින්  select කෙරුවත් මේකේ ඉතාමත් පොඩි අඩු පාඩු තියෙනවා.

ඉතින් ඒ අඩු පාඩු හදාගන්නේ කොහොමද? මේකට අපි පාවිච්චි කරන්නේ select menu එකේ තියෙන contract කියන පහසුකම.

ඒක තෝරපුවම එන window එකේ contract by කියන තැනට අගය 1 කියල දෙන්න. 

මේකෙන් වෙන්නේ පික්සල් එකකින් selectin එක අකුලන එකයි. එකේ මහා ලොකු වෙනසක් පේන එකක් නෑ. දැන් ඉතින් වැඩේ අහවරයි. කරන්න තියෙන්නේ මේ select කරගත්ත කොටස ctrl + c ඔබලා copy  කරගෙන ඕන කරන පින්තුරය උඩට paste (ctrl +v ) කරන එකයි. ඔයාට ඕන කරන කොටස අඩු පාඩු නැතිව ලස්සනට කැපිලා තියෙයි....

දැන් පින්තුරයක කොටසක් ලස්සනට කපාගන්න විදිය දන්නවනේ.. ඊළඟ post එකෙන් කියල දෙන්නම් වෙන background එකකට මේ කපාගත්ත පින්තුරය දාන්නේ කියල... උත්සාහ කරපු අය දන්නවා ඇති වෙන background එකකට මේ කපාගත්ත පින්තුරය දාපුවාම නිකන් පාවෙනවා වගේ පේනවා..  ඒකත් හදන හැටි කියල දෙන්නම් ඊළඟ post එකෙන් එතකන් උත්සාහ කරලා බලන්නකෝ...